Գիտնականները
միշտ ուսումնասիրություններ են անում, երբեմն դրանք շատ երկար են ձգվում,
մինչև տասնյակ տարիներ, բայց փոխարենը արդյունքում բավականին հետաքրքիր
փաստեր են արձանագրվում: Մարդու քնի մասին նրանք ահա թե ինչ բացահայտումներ
են արել:
1. Երեխայի ծնունդը ծնողների համար նշանակում է միջինը 400-750 ժամի քնի կորուստ առաջին տարում:
2. Արթուն մնալու ռեկորդը եղել է 18 օր,
21 ժամ եւ 40 րոպե, և սա ճոճաթոռին նստած վիճակում: Այս մրցույթի հաղթողը
լավ է պրծել. ընդամենը հալյուցինացիաներ, տեսողության խանգարումեր,
չկապակցված խոսք եւ հիշողության մասնակի կորուստ:
3. Առանց բժշկական ուսումնասիրության
հնարավոր չէ պարզել՝ քնած է մարդը, թե ոչ: Շատ հաճախ մարդիկ մի քանի
վայրկյանով քնում են բաց աչքերով առանց նկատելու դա:
4. Եթե Դուք գիշերը քուն եք մտնում 5
րոպեից քիչ ժամանակահատվածում, նշանակում է՝ Դուք քնի պակաս ունեք:
Լավագույն չափը 12-15 րոպեն է, դա նշանակում է, որ Դուք բավականաչափ հոգնած
եք քնելու համար, բայց, առավոտյան արթնանալով, շատ հոգնած չեք լինի և
կրկին քնելու ցանկություն չեք ունենա:
5. Շատ գիտնականներ պնդում են, որ քնի
ժամաքանակի խախտման հիմնական պատճառներից մեկը անսահմանափակ՝ 24-ժամյա
ինտերնետի առկայություն է:
6. Պարզվում է մենք երազ տեսնում ենք ոչ միայն արագ քնի ժամանակ, այլև դանդաղ քնի ժամանակ, պարզապես չենք մտապահում դրանք:
7. Արագ քնի ընթացքում մեր տեսած երազները
մեծամասամբ տարօրինակ են և անմիտ, իսկ դանդաղ քնի ժամանակ դրանք շատ հաճախ
կրկնվում են, կարծես մենք ինչ-որ բան ենք մտածում կամ վերհիշում մի բան,
որ մոռացել էինք:
8. Արագ քնի ժամանակ մեր աչքերը շարժվում
են, ինչը ցույց է տալիս, որ մենք արձագանքում ենք մեր տեսած երազին, ասես
մենք երազին նայում ենք մի տեսակ կողքից, ինչպես ֆիլմ կդիտեինք:
9. Ոչ ոք չի կարող ասել կենդանիները երազներ տեսնում են, թե ոչ, բայց քնի ֆազաներ նրանց մոտ նույնպես հայտնաբերված են:
10. Դանդաղ քնի ժամանակ փղերը քնում են կանգնած, իսկ արագ քնի ժամանակ պառկում են գետնին:
11. Որոշ գիտնականներ գտնում են, որ մենք
երազներ ենք տեսնում, որպեսզի երկար ժամանակ մտապահենք օրվա ընթացքում մեզ
հետ պատահածը, ստացած կարևոր տեղեկատվությունը աշխարհից: Իսկ ուրիշ
գիտնականներ ենթադրում են, որ մենք երազ ենք տեսնում, որպեսզի մեր ուղեղը
մաքրենք անպետք ինֆորմացիայից ու հիշողություններից:
12. 17 ժամ արթուն մնալը նվազեցնում է
աշխատանքի արդյունավետությունը և թուլացնում է հիշողությունը այնպես, ասես
մեր արյան մեջ կա 0.05% ալկոհոլ:
13. Միջազգային հետազոտություները ցույց
են տվել, որ ավտոճանապարհային վթարների 20%-ը տեղի է ունենում հոգնածության
և քնի պակասի հետեւանքով:
14. Աղմկոտ վայրում քունը վտանգավոր
հետևանքներ կարող է ունենալ, անգամ եթե քնածը չի արթնանում: Հատկապես
վտանգավոր է քնի առաջին 2 ժամի ընթացքում աղմուկը: Այն կարող է խաթարել
քնի բնական ռեժիմը:
15. Լավ քնի համար հարկավոր է մի քիչ զով
վայր: Շոգ ամռանը մենք քնել դժվարանում ենք, իսկ օդի լավագույն
ջերմաստիճանը քնի համար 18-30 աստիճանն է: Տարիքի հետ այդ սահմանները
նեղանում են մինչև 23-25 աստիճան: Ահա թե ինչու ծեր մարդիկ ավելի դժվար են
քնում:
16. Մարդը քնում է 3 ժամ ավելի քիչ, քան
իր ամենամոտ «ազգակիցները»՝ շիմպանզեները, գորիլլաները, օրանգուտանները:
Նրանք օրական քնում են ամենաքիչը 10 ժամ:
17. Բադիկները վտանգի դեպքում քնում են իրենց ուղեղի մի կեսով: Մյուս կեսը արթուն հսկում է շրջապատը:
18. Մարդը խռմփացնում է միայն դանդաղ քնի ժամանակ:
19. Դեռահասներ այնքան քնի կարիք ունեն,
ինչքան և երեխաները, օրական 10 ժամ: Իսկ միջին տարիքի մարդուն բավական է 8
ժամը, ծերերին՝ 6 ժամը:
20. Լավ չքնած երիտասարդները ավելի շատ են թերանում իրենց աշխատանքում, քան ավելի տարիքովները:
Քնի մասին եղած այս և շատ այլ տեղեկություների մեծ մասը գիտնականները իմացել են վերջին 25 տարիների ընթացքում: