Աշխարհի ամենատաղանդավոր ծաղրածուներից մեկը՝
Լեոնիդ Ենգիբարյանը, չափազանց կարճ կյանք ունեցավ, փոքրիկ, բարի ներկայացման նման, որի ավարտը ասես երբեք էլ չի եկել ու չի գալու, և բոլորը սպասում են նրա հավերժ շարունակությանը: Իսկ
Ենգիբարյանն իսկապես այնպես ստեղծագործեց, այնպիսի աշխարհ ստեղծեց, որ ապրում է անգամ տասնամյակներ իր մահից հետո:
Հաճելի դիմագծերով, մանկան թափանցիկ հոգով, բարի աչքերով, բացառիկ տաղանդի տեր մի երիտասարդ, որին շատ սերունդներ պիտի համարեն իրենց ուսուցիչը: Շատ կարճ կյանք ունեցավ աշխարհաճանաչ ծաղրածուն, ավելի կարճ` նրա ստեղծագործական գործունեությունը: Լեոնիդ Ենգիբարյանը հրաժեշտ տվեց կյանքին, երբ նոր էր բոլորել ընդամենը 37-ը:
Շատերին բախտ չվիճակվեց տեսնել նրա հուզիչ ներկայացումները: Բայց բարեբախտաբար պահպանվել են ոչ միայն Ենգիբարյանի շատ ներկայացումների տեսագրություններ, այլև նրա փոքրիկ հրաշալի նովելները, որոնք այնքան էլ հայտնի չեն հասարակությանը, բայց նա ով մեկ անգամ ընթերցում է դրանք, այլևս անկարող է մոռանալ, անգամ հիշում է բառ առ բառ:
«Խոսող գրքեր» նախագիծը ներկայացնում է նաև հրաշալի աուդիոնովելներ: Առաջին մասում ներկայացում ենք Լեոնիդ Ենգիբարյանի «Գրպանահատը», «Տերևները», «Անկումը», «Ծափեր», «Աղջկան, որը կարողանում է թռչել» նովելները:
Կարդում է Ժիրայր Դադասյանը:
Նախագծի հեղինակ՝ Գայանե Կլեկչյան
Նվիրվում է կույր և թույլ տեսնող երեխաներին: