Ի ուրախություն բոլոր փոքրիկների ու մայրիկների՝ վաղոց անցել են բարուրների ու միօրինակ մանկական հագուստների ժամանակը: Բժիշկները ազատություն են տվել դիզայներներին ու մայրիկներին, բայց, իհարկե, չեն մոռանում, խորհուրդների մասին, որովհետև մանկական նորաձևությունը թերևս ամենաֆունկցիոնալ նորաձևությունը կարելի է համարել: Երեխաներին մեծերի պես հագցնելու սովորություն կար դեռ մի քանի հարյուր տարի առաջ, 7-8 տարեկանից սկսած փոքրիկ աղջիկները սկսում էին կրել կորսետներով պարահանդեսային զգեստներ: Այսօր մանկական նորաձևությունը թույլ է տալիս երեխաներին հագցնել մեծահասակների նման սկսած ծննդյան օրվանից: Բայց որպեսզի Ձեր փոքրիկը ոչ միայն ֆանտաստիկ տեսք ունենա, այլև այդ ֆանտաստիկ հագուստը նրան չվնասի, հարկավոր է մի քանի խորհրդի հետևել:

Փոքրիկի համար կոշիկ ընտրելը ամենակարևոր առաջադրանքերից մեկն է մայրիկների համար, չէ՞ որ հենց առաջին մանկական կոշիկները կարող են լուրջ ազդեցություն ունենալ երեխայի ոտնաթաթի կառուցվածքի ու քայլվածքի ձևավորման վրա:  Առաջին կոշիկները երեխայի համար պետք է գնել, երբ նա արդեն կարողանում է ամուր կանգնել գետնի վրա. այսպես է խորհուրդ տալիս մանկաբույժների մեծամասնությունը: Չէ՞ որ եթե երեխան դեռ չի քայլում, կոշիկներին հրաշալի կփոխարինեն փափուճիկները՝ առանց ցավեցնելու ու հոգնեցնելու նրանց պստլո տոտիկները:

Կաթնամթերքը ամենաարժեքավոր ու օգտակար սննդամթերքներից մեկն է ինչպես մեծահասակների, այնպես էլ փոքրիկների համար: Կաթնամթերքը սկսում է ուղեկցել փոքրիկին նրա կյանքի առաջին իսկ ամիսներից և որոշ ժամանակ անց նաև փոխարինում է մայրական կաթին: Կաթնամթերքները պարունակում են չափազանց օգտակար սպիտակուցներ ու ճարպեր, ինչպես նաև կալցիում, որոնք երեխան շատ ավելի հեշտ է ընդունում կաթնամթերքի, քան մսի և մյուս սննդամթերքների միջոցով: Այնպես որ, երբ Ձեր փոքրիկը լինի արդեն կես տարեկան, ճիշտ ժամանակն է մայրական կաթին զուգահեռ կերակրել նրան նաև այս համեղ ու սննդարար մթերքներով:

Եթե Ձեր փոքրիկն էլ առավոտյան կաթ խմել չի սիրում ու փորձում է հազար ու մի պատճառաբանություն գտնել, երբ Դուք կաթով լի բաժակով մոտենում եք նրան, ապա այս էջը հենց Ձեզ և Ձեր փորիկի համար է: Ճանաչեք ձեր «թշնամուն», գուցե նա այնքան էլ վատը չէ և նրան խմելն էլ այնքան սարսափելի չէ, որքան կարող է թվալ: Դե ուրեմն սկսենք: Գիտեի՞ք, որ…

Կաթի  85-95 %-ը կազմում է ջուրը: Մնացած մասը իրենց մեջ բաժանում են վիտամինները, սպիտակուցները, ածխաջրերը և ճարպերը:

Կովը կաթ տալ չի կարող, քանի դեռ նա հորթուկ չի ունեցել:

Երեխաները միշտ էլ փորձում են մեծահասակներին նմանվել, շատ հաճախ էլ մայրիկներն են փորձում իրենց երեխաներին ժամանակից շուտ մեծացնել: Մեծանալ երեխաները միշտ էլ կհասցնեն, իսկ մանկությունը կյանքում միայն մեկ անգամ է լինում, և երեխաները պետք է կարողանան վայելել այն: Պետք է վազվզեն ու խաղան, նաև պետք է դպրոց հաճախեն և այս ամենին համապատասխան պետք է լինեն նաև նրանց հագուստն ու սանրվածքը: Սանրվածքը չպետք է խանգարի և շեղի երեխային և միևնույն ժամանակ պետք է հմայիչ տեսք հաղորդի:

Երբ դեռ Ձեր երեխան շատ փոքրիկ էր, Դուք ինքներդ էիք զբաղվում նրա ճակատը մազափնջիկներից ազատելու գործով, սակայն անցավ մեկ-երկու տարի, և հասկացաք, որ նրա սանրվածքը այլևս մասնագիտական խնամք է պահանջում: Սակայն դեռ պարզ չէ` ինչպես երեխան կընդունի այն փաստը, որ ինքը պիտի «խելոք» նստի թիկնաթոռին այն ժամանակ, երբ ինչ-որ անծանոթ իր գլխավերևում մկրատ է պտտեցնում…